കൊച്ചി: പുതിയ സിനിമയുടെ ഷൂട്ടിങ്ങിനിടെ നടൻ രാംചരണിന് പരുക്ക്. ബുച്ചി ബാബു സന സംവിധാനം ചെയ്യുന്ന സ്പോർട്സ് – ഡ്രാമ ചിത്രം പെഡ്ഡി ഷൂട്ടിങ്ങിനിടെയാണ് നടന് പരുക്കുപറ്റിയത്. കണ്ണിന് മുകളിലേറ്റ പരുക്കിൽ തുന്നലുകളുണ്ട്. പരുക്ക് സാരമുള്ളതല്ലെന്നാണ് വിവരം. ചൊവ്വാഴ്ചയായിരുന്നു സംഭവം. ആക്ഷൻ സീനിൻറെ ഷൂട്ടിങ്ങിനിടെയായിരുന്നു അപകടം. കണ്ണിന് മുകളിൽ 4 തുന്നിക്കെട്ടലുകളുണ്ടെന്നാണ് അധികൃതർ അറിയിക്കുന്നത്. പരുക്ക് ഗുരുതരമല്ലാത്തതിനാൽ രാംചരൺ സെറ്റിൽ തിരിച്ചെത്തിയതായാണ് വിവരം.
