കോതമംഗലം: മുൻ മന്ത്രിയും കേരള കോൺഗ്രസ് നേതാവുമായ ടി.യു. കുരുവിള (89) നിര്യാതനായി. കൊച്ചി ആസ്റ്റർ മെഡിസിറ്റിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു. വി.എസ് അച്യുതാനന്ദൻ മന്ത്രിസഭയിൽ പൊതുമരാമത്ത് മന്ത്രിയായിരുന്നു. 2006, 2011 വർഷങ്ങളിൽ കോതമംഗലത്ത് നിന്നും തുടർച്ചയായി നിയമസഭയിലേക്ക് തെരഞ്ഞെടുക്കപ്പെട്ടിട്ടുണ്ട്. നിലവിൽ കേരള കോൺഗ്രസ് ജോസഫ് വിഭാഗത്തിന്റെ സംസ്ഥാന വൈസ് ചെയർമാനാണ്. സംസ്കാരം ഞായറാഴ്ച്ച(31/05/2026) ഉച്ച കഴിഞ്ഞ് രണ്ടിന് ചേലാട് സെൻ്റ്. സ്റ്റീഫൻസ് ബെസ്നിയ യാക്കോബായ സുറിയാനി പള്ളിയിൽ.
