പാലാ: വിവിധ ഇടങ്ങളിലുണ്ടായ കാർ അപകടങ്ങളിൽ പരുക്കേറ്റ മൂന്ന് പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. കാർ നിയന്ത്രണം വിട്ട് മറിഞ്ഞ് വഞ്ചിമല സ്വദേശി പി.ബി ജ്യോതിഷ്(42), പശ്ചിമ ബംഗാൾ സ്വദേശി ബിർബൽ മണ്ഡൽ(36) എന്നിവർക്ക് പരുക്കേറ്റു. എയർപോർട്ടിൽ നിന്ന് വഞ്ചിമലയ്ക്ക് വരുന്ന വഴി രാമപുരത്തിനും പാലായ്ക്കും ഇടയിൽ വച്ച് പുലർച്ചെ ആയിരുന്നു അപകടം. രാമപുരത്തിന് സമീപത്ത് കാർ മതിലിൽ ഇടിച്ചുണ്ടായ മറ്റൊരു അപകടത്തിൽ ചിറക്കടവ് സ്വദേശിനി റോസമ്മ ജോണിന്(74)പരുക്കേറ്റു. രാവിലെയായിരുന്നു അപകടം. കടപ്ലാമറ്റത്ത് വച്ച് കാർ മതിലിൽ ഇടിച്ച് മറ്റാരു അപകടത്തിൽ കടപ്ലാമറ്റം സ്വദേശി ജിനു അജേഷിന്(35) പരുക്കേറ്റു.
