തൃശൂർ: ജൂബിലി മിഷൻ മെഡിക്കൽ കോളേജ് ഹോസ്റ്റൽ കെട്ടിടത്തിൽ നിന്ന് വീണ് വിദ്യാർഥിനി മരിച്ചു. ഒന്നാംവർഷ എംബിബിഎസ് വിദ്യാർഥിനിയായ കോട്ടയം സ്വദേശി സ്നേഹ പൗലോസ് ആണ് മരിച്ചത്. കെട്ടിടത്തിന്റെ നാലാം നിലയിൽ നിന്നാണ് വീണത്. വിദ്യാർഥിനി നിലത്ത് വീണുകിടക്കുന്നത് ജീവനക്കാരാണ് കണ്ടത്. ഗുരുതരമായി പരുക്കേറ്റ വിദ്യാർഥിനിയെ ഉടൻ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. വിദ്യാർഥിനി ജീവനൊടുക്കിയതാണെന്നാണ് സംശയം. സംഭവത്തിൽ തൃശൂർ ഈസ്റ്റ് പൊലീസ് കേസെടുത്തു.
