തിരുവനന്തപുരം: സി.പി.എം രക്തസാക്ഷിയുടെ കുടുംബാംഗം ഉൾപ്പെടെ കോൺഗ്രസിൽ ചേർന്നു. പ്രതിപക്ഷ നേതാവ് വി.ഡി സതീശൻ്റെ നേതൃത്വത്തിൽ സംഘടിപ്പിച്ച യോഗത്തിൽ വച്ച് കോൺഗ്രസ് നേതാക്കന്മാർ അവരെ പാർട്ടിയിലേക്ക് സ്വാഗതം ചെയ്തു. രക്തസാക്ഷി ഫണ്ടിൻ്റെ പേരിൽ ആളുകളുടെ കൈയിൽ നിന്നും പണം പിരിച്ച് പാർട്ടി അടിച്ചു മാറ്റിയതാണെന്ന് വി.ഡി സതീശൻ ആരോപിച്ചു. തുടർന്ന് കുടുംബാംഗങ്ങൾ പരാതി നൽകിയപ്പോൾ പാർട്ടി നടപടി സ്വീകരിച്ചെങ്കിലും പിന്നീട് ആ വ്യക്തിയെ തന്നെ സി.ഐ.റ്റി.യുവിന്റെ ജില്ലാ സെക്രട്ടറിയാക്കിയെന്നും ഇതാണ് ആ കുടുംബത്ത വേദനിപ്പിച്ചതെന്നും പാർട്ടി വിടാൻ പ്രേരിപ്പിച്ചതെന്നും പ്രതിപക്ഷ നേതാവ് പറഞ്ഞു.
