തിരുവനന്തപുരം: പാങ്ങോട് പൊലീസ് സ്റ്റേഷനിൽ പിടിച്ച് ഇട്ടിരുന്ന വണ്ടികൾ കത്തി നശിച്ചു. തിങ്കളാഴ്ച രാവിലയോടെയായിരുന്നു സംഭവം. നാട്ടുകാരും പൊലീസുകാരും ചേർന്ന് തീ അണച്ചു. പാങ്ങോട് സ്റ്റേഷനോട് ചേർന്നുള്ള സ്ഥലത്താണ് വാഹനങ്ങൾ ഇട്ടിരുന്നത്. പൊലീസ് സ്റ്റേഷനിലെ ക്ലീനിങ് സ്റ്റാഫ് ചപ്പുചവറുകൾ കത്തിക്കുന്നതിനിടെയാണ് വാഹനങ്ങൾ തീപിടിച്ചത്. 15 ബൈക്കുകളും ഒരു ഓട്ടോയുടെ ഒരുഭാഗവും കത്തിയിട്ടുണ്ട്. അപകടത്തിൽപ്പെട്ടതും മോഷണവാഹനങ്ങളുമാണ് കത്തിയതിൽ കൂടുതലും.
